Ministri për çështje Evropiane, Orhan Murtezani, ditën e sotme ka shoqëruar kryeministrin e vendit Hristijan Mickoski në vizitën e tij të punës në Bruksel, transmeton InfoShqip.com
Në takimin e sotëm me përfaqësuesit e lartë të Unionit Europian u theksua sërish përkushtimi i qeverisë së re për anëtarësim të shpejtë të vendit në BE.
“Këtë e kemi dëshmuar me faktin se anëtarësimi i Republikës së Maqedonisë së Veriut në BE është ndër prioritetet e para në programin e qeverisë, por edhe me miratimin e shpejtë të agjendës reformuese, e cila është pjesë e planit të rritjes”, tha Murtezani.
Sipas Ministrit Murtezani ky plan për rritjen e Ballkanit Perëndimor, i propozuar nga Komisioni Evropian, paraqet një kornizë përmes së cilës BE i trajton vendet e rajonit sikur të ishin anëtarë të Unionit, duke marrë parasysh se sasia e burimeve në dispozicion të tyre Fondet e ofruara janë pothuajse 90 për qind e asaj që marrin vendet e bllokut.
“Nëse i shtojmë zhvillimet gjeopolitike dhe prioritetin e BE-së në politikën e zgjerimit, mendoj se kjo është një kohë e shkëlqyer që ne si vend të ecim shpejt drejt anëtarësimit të plotë në Bashkimin Evropian”, theksoi ministri për Çështje Evropiane.
Murtezani, së bashku me ministrin e Punëve të Jashtme dhe Tregtisë së Jashtme, Timço Mucinski, e shoqëruan kryeministrin Mickoski në takimet e sotme në Bruksel me kryetarin e Këshillit të BE-së, Charles Michel, me komisionerin e BE-së për Zgjerim dhe Politikë të Fqinjësisë, Oliver Varhey dhe me Shefin e Drejtorisë së Përgjithshme të Fqinjësisë dhe Negociatave të Zgjerimit (DG NEAR), Gert Jan Köppmann. Më herët, kryeministri, së bashku me krerët e tjerë të shteteve dhe qeverive nga vendet e Ballkanit Perëndimor, morën pjesë në një drekë pune me Presidenten e Komisionit Evropian, Ursula von der Leyen./InfoShqip.com
