Kryeministri sllovak Robert Fico tha sot se do të përpiqet të bllokojë anëtarësimin e Ukrainës në NATO për sa kohë të jetë në pushtet.
“Përderisa të jem në krye të qeverisë sllovake, do të udhëzoj deputetët nën kontrollin tim si president (i partisë në pushtet Smer) që të mos pranojnë kurrë që Ukraina të anëtarësohet në NATO”, tha Fico, raporton Politico.
Ai deklaroi më parë se mendonte se do të udhëtonte në Moskë vitin e ardhshëm për të marrë pjesë në 80-vjetorin e përfundimit të Luftës së Dytë Botërore.
Përveç kësaj, ai tregoi se, nëse lufta në Ukrainë përfundon gjatë mandatit të tij, ai synon të bëjë gjithçka për të rivendosur lidhjet normale dhe ekonomike me Rusinë, duke theksuar se “Bashkimi Evropian ka nevojë për Rusinë dhe Rusia ka nevojë për Bashkimin Evropian”.
Së bashku me kryeministrin hungarez Viktor Orbán, Fico theksoi vazhdimisht nevojën për një armëpushim në Ukrainë dhe fillimin e bisedimeve të paqes që do t’i jepnin fund luftës. Orban vizitoi Kievin dhe Moskën këtë vit dhe gjithashtu e përshkroi udhëtimin e tij si një “mision paqeje”.
