OBRM-PDUKM-ja ka akuzuar kryetarin e Komunës Qendër, Andrej Zhernovski, për harxhim të parave të qytetarëve në mënyrë të pakontrolluar dhe të dyshimtë, përcjell Telegrafi Maqedoni.
“Zhernovski për rregullimin e dy rrugëve me gjatësi deri 6 mijë metra, ka harxhuar 1,2 milionë euro para të qytetarëve të Qendrës. Vendi në të cilin ndodhemi momentalisht “Skver Jardan” është nga vendet e preferuara të Zhernovskit, ku e organizoi festimet për Vitin e Ri. Ky vend është dekoruar në vitin 2012 nga ana e OBRM-PDUKM-së, por Zhernovski harxhoi rreth 800 mijë euro”, deklaroi Ilija Ilijovsi nga OBRM-PDUKM-ja.
Ai gjithashtu tha se Zhernovski do të kujtohet si kryetari që nuk ka bërë asgjë në të mirë të qytetarëve, përveç dy rrugëve të cilët kushtuan 1,2 milionë euro.
