Sindikata e Mbrojtjes dhe Sigurisë dhe Sindikata e Pavarur e Ushtarëve Profesionistë paralajmërojnë grevë për shkak të mospërmbushjes së kërkesave të tyre për rritje të rrogave dhe kompensimeve të rrogës, përcjell Telegrafi Maqedoni.
Kryetari i Sindikatës së Mbrojtjes dhe Sigurisë, Risto Ajtov sot në konferencë për shtyp tha se kërkojnë rritje të rrogës për 20 për qind dhe në të ardhmen ajo të korrigjohet në pajtim me nivelin e rritjes së rrogave në Minsitrinë e Punëve të Brendshme.
Të punësuarit në mbrojtje kërkojnë edhe rritje të kompensimeve të rrogës për angazhim deri në vlerë prej 1.200 denarëve.
Sipas tyre, nuk është rregulluar as transporti i organizuar për ardhje në punë në kaserma, as nuk u janë paguar shpenzimet e deritanishme të punësuarve në Minsitrinë e Mbrojtjes dhe ARM-së.
“Moszgjidhja e këtyre problemeve e çuan në pikëpyetje funksionimin e Minsitrisë së Mbrojtjes dhe ARM-më, ndërsa me atë vihet në pikëpyetje dhe kryerja me kohpë e misionit tonë, përkatësisht sigurimit të stabilitetit të Republikës së Maqedonisë”, tha Ajtov. Përgjegjësia për gjendjet në mbrojtje, sipas Ajtov, është tek minsitri i Mbrojtjes. /Telegrafi/
