Presidentja e Kosovës ka kërkuar zyrtarisht nga Qeveria që të pezullojë tarifat e importit për të gjitha produktet amerikane, duke e cilësuar këtë hap si një mundësi për forcimin e marrëdhënieve ekonomike dhe strategjike me Shtetet e Bashkuara të Amerikës.
“Pezullimi i tarifave është një hap i rëndësishëm për të thelluar lidhjet tona ekonomike me aleatin më të ngushtë dhe për të dërguar një mesazh të qartë: Kosova është e gatshme për një marrëdhënie më të fuqishme me SHBA-në,” ka deklaruar Presidentja.
Ajo theksoi se një vendim i tillë do të ndihmojë në krijimin e vendeve të reja të punës, shkëmbimin e teknologjisë dhe rritjen ekonomike afatgjatë. Përtej përfitimeve ekonomike, kjo lëvizje konsiderohet si një objektiv i politikës së jashtme, që riafirmon përkushtimin e Kosovës ndaj partneritetit me SHBA-në, një aleancë e ndërtuar mbi vlerat e përbashkëta të lirisë dhe mbështetjes së ndërsjellë.
Tani mbetet në dorën e Qeverisë që të shqyrtojë këtë kërkesë dhe të marrë një vendim mbi tarifat e importit për produktet amerikane.
