Në aktakuzën e Prokurorisë shtetërore në Ankara, e cila zbulon detaje të përgatitje së grusht-shtetit të 15 korrikut të vitit të kaluar, thuhet se puçistët nga aeroplani ushtarak F-16 kanë incizuar hotelin në të cilin kishte qëndruar presidenti turk Recep Tayip Erdogan.
Baza ajrore Akinçi në afërsi të Ankarasë ishte qendra e planifikimit dhe drejtimit të tentim grusht-shtetit, thuhet në akuzë.
Puçistët më 12 dhe 13 korrik të vitit të kaluar me aeroplanë F-16 kishin fluturuar mbi hotelin në Marmaris, në të cilin kishte qëndruar presidenti turk.
Atentati ishte planifikuar me vëzhgimin e hotelit dhe terrenit përreth, ku natën e 15 korrikut u krye sulmi me qëllim të vrasjes së Erdoganit.
Pasi atentati dështoi, u aktivizua njëri nga sistemet e avancuara për mbikëqyrje të hapësirës ajrore, për të konfirmuar nëse presidenti kishte fluturuar nga Antalia, i cili ishte plani rezervë.
Procedura u aktivizua nga baza Akinçi, natën e 15 korrikut me urdhër të komandantit të njërit sektor në bazën Ahmet Ozçetin. Komandanti i bazës gjatë kohës së grusht-shtetit, gjenerali Hakan Evrim, me pilotin Ahmet Tosun, të cilët janë përfshirë në hetime, personalisht kanë kryer disa fluturime me aeroplanin F-16 dhe testuan sistemin për shënjestër avancuese në rastin e shpejtësive të mëdha. Nga e njëjta bazë kanë fluturuar edhe aeroplanë, të cilët kanë pasur për detyrë të gjejnë aeroplanin e presidentit Erdogan dhe ta rrëzojnë, thuhet në aktakuzë.
