Kryetari i Prishtinës, Përparim Rama, thotë se sezoni i ri i Termokosit do të fillojë me kyçje të reja.
Rama ka bërë të ditur se gjatë disa muajve kanë kyçur 40 mijë qytetarët në 8 mijë e 900 njësi të reja banimi.
“Kemi zgjeruar, rehabilituar dhe densifikuar rrjetin në 8 lagje të Kryeqytetit. Mati 1, Arbëri, Dodona, Ulpianë, Qendër, Dardani, Bregu i Diellit, Qafa”, ka shkruar Rama në Facebook.
I pari i Prishtinës thotë se përgatitjet janë bërë që gjithçka të fillojë si duhet në muaji tetor.
“Kyçjet e reja do të kontribuojnë në kursim të energjisë dhe ruajtjes së ambientit në mënyrë që të kemi një Prishtinë sa më të gjelbër”, ka shkruar tutje Rama.
