Kryeministri i Shqipërisë Edi Rama ka marrë urimin kthyes nga presidenti i SHBA-së Donald Trump, transmeton koha.net.
I pari i Qeverisë shqiptare duket të jetë gëzuar për urimin, sidomos pasi Rama, me gjasë, është ndjerë keq për një deklarimin e tij gjatë fushatës presidenciale në SHBA që ishte cilësuar si kundër Trump.
Rama urimin e presidentit të SHBA e ka publikuar në Facebook:
Faleminderit edhe Presidentit Trump për mesazhin e tij ku shkruhet:
“I dashur Kryeministër,
Unë e mirëpres ngrohtësisht mesazhin tuaj të urimit për betimin tim si President i Shteteve të Bashkuara dhe e vlerësoj lart mendimin, mbështetjen e inkurajimin tuaj.
Ne kemi përpara sfida të cilat jam i bindur se do t’i kapërcejmë, mbi themelet e përbashkëta dhe në partneritet me njëri-tjetrin. Ne po ashtu kemi mundësira të jashtëzakonshme për përparimin e qëllimeve që ndajmë, për promovimin e stabilitetit global e për arritjen e paqes e të prosperitetit.
Sinqerisht i Juaji,
Donald J.Trump”
