Zgjedhjet lokale në Maqedoni po afrojnë dhe partitë politike kanë filluar lëvizjet dhe kalkulimet.
Është përfolur mjaft për një koalicion të mundshëm mes Aleancës për Shqiptarët dhe Lëvizjes BESA, por ky mbetet ende vetëm opsion sepse siç theksojnë edhe vetë ata është heret të flitet, transmeton InfoShqip.com
Lidhur me këtë koalicion të mundshëm, ka reaguar edhe Ramadan Ramadani, në profilin e tij në Facebook.
Ramadani shprehet se forcat e reja si BESA dhe Aleanca, dërgojnë porosi pamundësie edhe tek votuesit.
Në vazhdim mund të lexoni të plotë postimin e Ramadan Ramadanit në profiling e tij në Facebook:
“Sdi sa e kanë kuptuar këto dy forcat e reja politike Besa dhe Aleanca, se me pamundësinë për bashkëpunim eventual mes tyre për zgjedhjet lokale ata dërgojnë porosi pamundësie edhe deri tek votuesit. Sepse ai që nuk mund të merret vesh me të ngjashmet, parti me parti, aq më pak do mund të bashkëpunojë me të ndryshmit, parti me qytetarë, popull, votues ose organizata dhe iniciativa qytetare. #maqedonia2017”
Kështu përfundon postimin e tij në rrjetin social Facebook Ramadan Ramadani./InfoShqip.com
