Të drejtë vote sot kanë 833 mijë e 716 votues të cilët do të mund të votojnë në 1mijë e 517 vendvotime, në 35 komuna. Qytetarët sot do të votojnë vetëm me një fletvotim, gjegjësisht vetëm për krerët e komunave kurse përbërja e këshillave komunal u vendos që në rrethin e parë.
Një ditë më parë, në shtëpitë ndëshkuese-përmirësuese, të drejtë vote kishin 939 të burgosur. Të shtunën poashtu të drejtë vote kishin 8 persona të shpërngulur brenda vendit dhe 1 mijë e 435 persona të sëmurë. Nga KSHZ-ja kanë njoftuar se për monitorimin e zgjedhjeve të rrethit të dytë janë akredituar 5 mijë e 101 vëzhgues vendas dhe 473 vëzhgues të huaj.
Rrethi i parë i zgjedhjeve lokale u mbajtë më 15 tetor kurse dalja në votime, në nivel republikan ka qenë rreth 60%. Në rrethë të dytë, gjegjësisht sot, votohet në Tetovë, Gostivar, Strugë, Gazi Babë, Çair, Saraj, Butel, Studeniçan, Zhelinë, Tearcë, Dibër, Vrapçisht, Likovë, Kisella Vodë, Shuto Orizare, etj.
