Rilindja Demokratike Kombëtare (RDK) njoftoi se nuk do të merr pjesë në zgjedhjet e parakohshme të 12 prillit.
Në arsyetimin për mospjesëmarrjen në zgjedhjet thuhet se partitë politike shqiptare kanë dështuar në krijimin e një blloku opozitar, Besa, PDSH, LR-PDSH, RDK.
“Rilindja Demokratike Kombëtare, në mbledhjen e saj të rregullt të Kryesisë Qendrore, të mbajtur sot në hapësirat e saja, vendosi me unanimitet të plotë që mos të marr pjesë në zgjedhjet e parakohshme parlamentare të 12 prillit”, shprehen nga RDK.
Ata shtojnë se kauza e RDK-së për krijimin e një opozite të shëndoshë kombëtare si dhe beteja për sundimin e së drejtës si dhe lufta ndaj forcave anti-demokratike, anti-kombëtare do të vazhdojë në të gjitha mënyrat.
