Ne duhet të ndalojmë emigrimin masiv të të rinjve, për të cilët na flasin qytetarët këtu në Manastir, por edhe në të gjithë Maqedoninë.Kemi Plan se si të rinjtë të qëndrojnë këtu në Maqedoni, për të krijuar familje, këtu për të gjetur një punë , këtu për të ndërtuar të ardhmen e tyre, theksoi sot në Manastir, bartësja e listës së kandidatëve të LSDM-së dhe koalicionit në NJZ 5, Radmilla Shekerinska.
“VMRO-DPMNE dhe Gruevski kanë pasur dhjetë vjet për ta bërë këtë, për të oferuar jetë të denjë dhe mundësi të barabarta për të gjithë, por nuk e bënë atë. Ata besojnë se gjëja më e rëndësishme është që të mbushin xhepat e tyre dhe llogaritë e tyre në ishujtë e parajsës.
Edhe sot, kur Gruevski vjedh ide të Planit tonë, ai tregon edhe një herë se nuk i kupton qytetarët e Maqedonisë as problemet e tyre, edhe pse ai pranon se paga minimale në Republikën e Maqedonisë nuk është e mjaftueshme për të mbijetuar, ai përsëri ofron ngritje të vogla, dhe përsëri i lë në të thatë të punësuarit në industrinë e tekstilit dhe të lëkurës, ata të cilat ky vend nuk i ndihmon”, theksoi Shekerinska.
Ajo mes tjerash tha se Ne kemi një plan për të rritur pagën minimale çdo vit deri në 16.000 denarë, dhe kjo do të zbatohet për të gjithë, dhe për ata të industries së tekstilit, si dhe për ata të industrisë së lëkurës.
“Do të ofrojmë ndihmë financiare nga buxheti i Republikës së Maqedonisë, për të ndihmuar kompanitë për të siguruar ekzistencë për punonjësit e tyre. Qëllimi i gjithë kësaj është paga mesatare në shtetin tonë të jetë 30.000 denarë, kurse të rinjtë të marrin mbështetje direkte nga shteti, mbi 10.000 euro fonde të pakthyeshme për të filluar biznes dhe 2 vjet mundësi për të udhëhequr atë biznes në qendrat start-up të Republikës së Maqedonisë, ku do të kenë strehim të lirë, nuk do të paguajnë për shërbimet komunale, kontabilitetit dhe të gjitha paratë do të qëndrojë tek ata duke i zmadhuar shanset e tyre për të nisur biznes.
Ne kemi plan, kemi detyrim për të siguruar jetën këtu në atdheun, në Republikën e Maqedonisë, për të gjithë qytetarët e saj.”, theksoi ajo.
