Iniciativa e Shkëndijës për të grumbulluar mjete me të cilat do tu dilet në ndihmë familjeve të goditura nga vërshimet e javës së kaluar në rrethinën e Shkupit është realizuar me sukses.
Kapiteni i ekipit Ferhan Hasani, bashkë me futbollistët Ardian Cuculi, Besart Ibraimi dhe Besir Demiri përndryshe futbollist nga rajoni i Haraçinës, në emër të klubit përmes Kryqit të Kuq kanë dorëzuar ndihmën në destinacionin e planifikuar, duke shpresuar në zbutjen e gjendjes së vështirë të familjeve që e kanë pësuar, transmeton Telegrafi.
Shkëndija ka dorëzuar pako me artikuj ushqimor që arrijnë vlerën e 10000 eurove, ndërsa mjetet janë grumbulluar nga shitja e biletave (rreth 4 000 mijë bileta të shitura) në ndeshjen e xhiros së parë të sezonit të ri në LPFM, Shkëndija-Sileksi, si dhe para të dhëna si donacion nga kryesia, futbollistët, stafi teknik dhe administrata e klubit.
Me këtë rast KF Shkëndija i falënderon të gjithë ata që kontribuuan në realizimin e këtij aksioni humanitar.
