Në teatrin Poshka në Strugë sot është mbajtur manifestimi “DITËN E PLISIT PELLAZG” i cili u organizua nga Shoqata për shkencë dhe kulturë “Pellazgët” nga Tetova.
“Edhe pse ishte hera e parë që organizohej ky manifestim nga kjo shoqatë, pati një pritje shumë të mirë nga nikoqirët. Manifestimi filloi me himnin kombëtar. Paraqitja e programit të manifestimit u bë nga moderatorja e mirënjohur Olsa Poshka. Manifestimin e shpalli të hapur kryetari i shoqatës për Shkencë dhe Kulturë “Pellazgët” me qendër në Tetovë – prof.dr.Shefki Selami, duke i përshëndetur dhe falenderuar të pranishmit, gjithashtu edhe qëllimin e organizimit të kësaj feste kombëtare. Kjo festë tani është tradicionale dhe me qëllim që të ruhet trashëgimia kulturore dhe plisi në UNESKO. Gjithashtu anëtari i kryesisë së shoqatës “Pellazgët” prof. Verdat Kolonja i përshëndeti të pranishmit, si nikoqir i këti manifestimi. Si gjithmonë,këtë manifestim e nderoi edhe Konsulli i Republikës së Kosovës z. Agim Krasniqi, duke thënë disa fjalë rasti. Të ftuar ishin edhe shumë personalitete të shquara që punojnë për ruajtjen e trashëgimisë kulturore, me qëllim që të bëhet festë e përbashkët kombëtare. Këtë festë të shenjtë e nderuan edhe: Avokat Agron Isa Gjedia kryetar i shoqatës “Bytyçi’’ Tiranë – Prizren, Dr. Agron Dalipaj, prof. Aleksandër Hasanas, Dr. Nebi Dervishi, prof. Zejnulla Qyra, poetet e reja Fatime Sulejmani, Azra Alija dhe Ezana Qamili, këngëtari nga Ladorishti Xhemail Murtishi dhe SHKA “Valët e liqenit” nga fshati Ladorisht.Manifestimin e mbështeti Shoqata për Shkencë dhe Kulturë “Pellazgët” kryetari i saj Shefki Selami, anëtari i kryesisë së kësaj shoqate prof. Verdat Kolonja dhe Bajram Murtishi” tha kryetari i shoqatës Shefki Selami.
