Rendi i ditës së seancës së 11 dhjetorit në Kushtetuese zbardhi detaje të reja lidhur me kontestimin e ligjit për gjuhët, e ajo është se nuk kontestohen vetëm 3 nene por i gjithë ligji. Kontestohen dekreti i shpalljes, emri i ligjit dhe ligji në tërësi.
Zv.kryeministri Izet Mexhiti i bëri thirrje Gjykatës Kushtetuese për qasje serioze dhe ta sheh çështjen edhe si politike dhe jo vetëm juridike. Mexhiti tha se Ligji i Gjuhëve del nga Marrëveshja e Ohrit, e cila është shtyllë e Kushtetutës. Sipas Mexhiti ai që prek Marrëveshjen e Ohrit prek marrëdhëniet ndëretnike dhe stabilitetin e shtetit. /Alsat.mk
