Ministri i Punëve të Jashtme i Kosovës, Enver Hoxhaj, i cili është duke qëndruar në Zvicër, pas disa takimeve kishte në agjendë edhe mbajtjen e një ligjerate në Universitetin e Bernës.
Siç njofton Lëvizja Vetëvendosje, fjalimi i tij është ndërprerë nga disa të rinj shqiptarë, të cilët janë ngritur në këmbë dhe kanë mbajtur pankarta në duar.
Në videon e publikuar nga Lëvizja Vetëvendosje, ata kanë kaluar paqësisht pas shpinës së Hoxhajt, i cili i ka shikuar për një çast, dhe kanë dalë jashtë.
Parullat që ata mbanin në duar, ishin: “Drejtësi për Astritin”, “Liri për aktivistët politikë”, “Enver Hoxhaj është anëtar i qeverisë autoritare”, “Ju jeni anëtar i një regjimi kriminal, nuk keni vend këtu për fjalime”, “Astrit Dehari u vra në burgun e Prizrenit”, “Astriti u rrit në Bern, u kthye në atdhe, ku u vra”. /Telegrafi/
