Tesla po zgjeron biznesin e saj të automjeteve elektrike në Turqi, një treg që kërkon shërbime të Tesla-s prej vitesh tashmë. Përkundër faktit se Tesla nuk është zyrtarisht në Turqi, ka shumë pronarë të Tesla-s në vend që u munduan të importonin vetë automjetet elektrike dhe t’i operonin ato pa akses në shërbime.
Prej vitesh ata kanë kërkuar që Tesla të zgjerohet në vend duke hapur dyqane dhe qendra shërbimi.
Në maj të vitit 2018, CEO i kompanisë, Elon Musk, më në fund tha se Tesla planifikoi të lansohej në Turqi më vonë atë vit. Megjithatë, plani thuhet se u braktis më vonë në vitin 2018 në mes të një lufte tarifore në përshkallëzim.
Tani, katër vjet më vonë, Electrek mësoi se Tesla më në fund po lansohet në Turqi.
Përpara një lansimi në një treg të ri, Tesla në përgjithësi bën dy gjëra: planifikon vendosjen e stacioneve Supercharger dhe ndërton një rrjet shërbimi.
Tesla ka ndarë tashmë planet për të ndërtuar një rrjet “Supercharger” në vend që nga viti 2020, dhe harta ende tregon stacionet e ardhshme Supercharger.
Por tani Electrek e ka zbuluar se Tesla ka renditur vendet e para të punës në Turqi, dhe janë të gjitha për punonjësit e shërbimit në Stamboll.
Më konkretisht, vendet e punës do të vendosen në lagjen Beşiktaş të Stambollit – që do të thotë se ka të ngjarë të jetë vendndodhja e qendrës së parë të shërbimit të Tesla-s në Turqi.
Turqia është një vend me 85 milionë banorë dhe ka një treg të rëndësishëm të automobilave, me mbi gjysmë milioni shitje të makinave të pasagjerëve deri më sot në vitin 2022.
Megjithatë, tregu i automjeteve elektrike është ende i vogël në vend. Pas procesit të punësimit të njerëzve, Tesla sipas Electreck mund të fillojë të marrë porosi në Turqi në muajt e ardhshëm dhe dërgesat e para duhet të ndodhin në vitin 2023.
