Presidenti i SHBA-ve, Donald Trump tha për presidentin e Turqisë, Erdogan, që është njeri i mençur dhe se ka arritur ta bëjë atë që askush se bërë për 200 vjet, transmeton TV21. Trump tha se, Erdogan e mori Sirinë, me emra të ndryshëm, por e njëjta gjë.
“E dini, kam marrëdhënie shumë shumë të mira me Turqinë, me liderin e tyre, dhe mendoj se mund ta zgjidhim, shpresoj se nuk do të ketë problem, nuk mendoj se do të ketë problem. Pasi e them këtë, mendoj se ishte Turqia, ia thash atij (Erdoganit), i thash, i thash urime, ke bërë atë që askush nuk ka mundur ta bëjë në 200 vitet e fundit, e ke marrë Sirinë, me emra të ndryshëm, por e njëjta gjë. I thash e ke marrë, e ka marrë përmes surrogateve. Ai më tha jo-jo-jo, nuk isha unë. I thash ishe ti, por është ok, nuk ke pse…po ashtu disi, ndoshta isha unë, i thash ok. Por e bëri, shikoni është njeri i fortë, është shumë i mençur, bëri diçka që nuk mundej askush, duhet t’ia pranosh”, tha Trump.
