Lëvizja Vetëvendosje nesër do të mbajë një aksion simbolik para objektit të Burgut të Prizrenit, në shenjë pakënaqësije ndaj mungesës së përgjegjësisë për vdekjen e anëtarit të këtij subjekti politik, Astrit Dehari, i cili vdiq në Qendrën e Paraburgimit në Prizren, ende në rrethana të paqarta.
“Nesër bëhen një javë nga vdekja e aktivistit Astrit Dehari. Ende askush nuk ka dhënë përgjegjësi”, ka thënë VV, në një njoftim.
Ky aksion i VV-së do të mbahet nga ora 15:00, me ç’rast do të kërkohet drejtësi për rastin e Deharit.
“Nesër, e shtunë, ora 15:00, para ndërtesës së Burgut të Prizrenit, kërkojmë drejtësi për Astrit Deharin”.
