Ndonëse zyrtarisht dhe publikisht, Presidenti i SHBA-ve Donald Trump nuk u është përgjigjur akuzave të bëra nga Kryeministri Edi Rama, sërish spekulohet në media për një ftohje të marrëdhënieve të vendit tonë me amerikanët.
Por duket se përballja e parë mes tyre nuk do të mungojë për shumë kohë, por do të ndodhë në muajin Maj. Kjo pasi Trump dhe Rama do të jenë në samitin e NATO-s që do të mbahet në Maj.
Presidenti amerikan ka konfirmuar pjesëmarrjen në këtë takim gjatë një bisede telefonike me kreun e organizatës, Jens Stoltenberg. Megjithatë edhe pse Tirana nuk ka konfirmuar ende nivelin e përfaqësimit, pjesëmarrja e Trump në takim dhe drejtuesve më të lartë të shteteve të tjera, kërkon që vendi ynë të prezantohet me kreun e qeverisë.
Edi Rama, e konsideroi Trump si një fatkeqësi për amerikanët dhe shqiptarët, gjatë kohës që miliarderi ishte kandidat për President i SHBA.
