Grupi parlamentar i VMRO-DPMNE-së dhe organet e partisë do të koordinohen për veprimin në fazën e dytë të ndryshimeve kushtetuese. Pas paralajmërimeve të Hristijan Mickoskit se pret debat të nxehtë mbi ndryshime kushtetuese, VMRO-ja ka vlerësuar se duhet koordinim gjithë partiak për qasjen e tyre.
Do të kemi koordinim mbi ndërtimin e qëndrimit ndaj amendamenteve për ndryshimet kushtetuese. Do të flasim konkretisht për atë që nga Qeveria është propozuar në Kuvend mbi ndryshimet kushtetuese” – tha Nikolla Micevski, Deputet i VMRO-DPMNE-së
Grupet parlamentare në Kuvend do të koordinohen për caktimin e metodologjisë së punës dhe anëtarëve të mundshëm që do të marrin pjesë në trupin koordinues për pajtim. VMRO-ja ka betonuar qëndrimin se nuk merr pjesë në themelimin e këtij komisioni derisa nuk pranohet Ligji për amnisti për 27 prillin dhe përderisa më këtë komision do të udhëheq kryetar, sipas tyre, jo legjitim i Kuvendit.
Bisedimet bëhen për atë se cila do të jetë përbërja definitive e grupit. Besoj se koordinimi do të sjell informata më të sakta mbi këtë çështje dhe besoj se ditëve në vijim do të përcaktohet edhe përbërja definitive e saj që të mund të ecë në drejtim të bisedimeve të përcaktuara me idenë për pajtim brenda parlamentit dhe më gjerë në Maqedoni” – theksoi Talat Xhaferi, Kryetar i Kuvendit
Draft-amendamentet për ndryshimet kushtetuese më 7 nëntor do të gjenden para deputetëve në Komisionin për Çështje Kushtetuese. Shumica parlamentare i bën thirrje të gjithë deputetëve që të përfshihen në debat, duke pritet që në votimin përfundimtar në gjysmën e janarit të vitit 2019 të rritet numri i deputetëve. Deri më tani, përvec 8 deputetëve të përjashtuar që votuan për nismën e ndryshimeve kushtetuese, na koalicioni opozitar është larguar edhe deputeti i OQM-së, Panço Minov.
