Presidenti i Serbisë, Aleksandër Vuçiç, pas takimin me kompani të industrisë së mbrojtjes deklaroi se brenda pesë viteve shteti i Serbisë do të investojë 1.25 miliardë euro në blerje të mjeteve ushtarake, ku mes tyre parashihen të blehen 30 helikopterë.
Ai tha se në çerekun e parë të vitit 2022, do të investohen 145 milionë euro në ndërtimin e industrisë së mbrojtjes.
“Kemi vendosur që të ndihmojmë industrinë tonë në çerekun e parë të 2022-tës. Kemi gjetur mënyra për të investuar 145 milionë euro, nën kontrollin e rreptë të Ministrisë së Financave, në blerjen e plantacione të reja të prodhimit, maçineri dhe pasisje”, tha Vuçiç.
Ai theksoi se është vendosur që shteti në pesë vitet e ardhshme të porosisë pajisje, armë dhe mjete, automjete dhe municione, municione, mina, raketa nga industria vendase e ndërtuar për qëllime në vlerë prej 1.25 miliardë euro.
“Do të jetë një nxitje shtesë për zhvillimin e industrisë së ndërtuar me qëllim dhe përparim të madh në blerjet nga Ushtria Serbe”, tha Vuçiç, transmeton RTS.
Ai theksoi se kjo do të modernizojë ushtrinë, së bashku me gjithçka që blihet nga partnerët rusë dhe francezë, ku siç vlerësoi ai, investimet janë vërtet të mëdha.
Sipas Vuçiçit, vitin e ardhshëm do të prokurohen 30 helikopterë dhe në vitin 2023, 18 plus 12.
Ai thotë se do të jenë 11 helikopterë H-145, pastaj katër Mi-35, tre Mi-17, plus 11 ose 12 Mi-35 që i blejnë të dorës së dytë nga një shtet anëtar i BE-së.
“Pra, ne do të jemi, nëse mund të them kështu, një superfuqi helikopterësh në këtë rajon”, shtoi Vuçiç.
“Kjo ushtri që kemi nuk është e njëjtë si ajo e vitit 2012, por vetëm emrin e ka ashtu”, tha Vuçiç.
