Një virus shkatërrues po godet iPhone-t, nëse shtypni një mesazh që shfaq një shkronjë indiane.
Pajisjet me iOS 11 po preken nga ky virus, pasi përdoruesit e tyre kanë hapur mesazhin e një shkronje të vetme në gjuhën Telugu.
Pasi telefoni preket nga ky virus, aplikacionet bllokohen, përfshirë iMessage dhe aplikacionet si WhatsApp, Gmail dhe Messenger në Facebook, siç raporton faqja online e teknologjisë “The Verge”.
Megjithatë, aplikacione të tjera si Telegram dhe Skype ende nuk janë prekur.
Problemi gjithashtu ka ndikuar në versionet macOS të Safari dhe Messages, por versioni beta publik i Apple iOS 11.3 nuk është prekur, raportoi “The Verge”.
Apple tha se po punon për të rregulluar iOS 11, macOS High Sierra, watchOS 4 dhe tvOS 11 që janë prekur nga ky bug.
Kompania tha se versionet e vjetra nuk u prekën nga bug-i dhe shtoi se Apple tashmë e kishte rregulluar problemin në versionet aktuale beta të sistemeve operative.
