Muhamed Zekiri nuk e sheh as si disavantazh faktin që po ua kërkon votat e shqiptarëve për një subjekt politik maqedonas, i cili sa ishte në pushtet dërgonte forcat policore dhe ushtarake të luftonin kundër Ushtrisë Çlirimtare Kombëtare (UÇK)
Ish-gazetari Muhamed Zekiri është i bindur se shqiptarët në Maqedoni do të mundë t’i realizojnë kërkesat e tyre nëse bashkëkombasit e tij të dielën (sot) do ta votojnë për Partinë e kryeopozitarit Zoran Zaev, e jo për partitë politike shqiptare.
Ai madje nuk e sheh as si disavantazh faktin që po ua kërkon votat e shqiptarëve për një subjekt politik maqedonas, i cili sa ishte në pushtet dërgonte forcat policore dhe ushtarake të luftonin kundër Ushtrisë Çlirimtare Kombëtare (UÇK).
“Edhe përfaqësuesit e UÇK-së që luftonin kundër atij pushteti, tashmë janë bashkë me ata që e kanë luftuar UÇK-në”, shprehet Zekiri gjatë një interviste për gazetën “Zëri”.
Zekiri thotë se është njëri nga tre shqiptarët që garojnë në zgjedhje me LSDM-në e Zaev, por ky subjekt politik, sipas tij, garanton barazi për të gjithë shqiptarët e Maqedonisë. Ai tregon se janë mbi 10 mijë shqiptarë në Maqedoni që tashmë i kanë marrë librezat e LSDM-së.
Lexoni intervistën e plotë në numrin e sotëm të gazetës Zëri ose versionin online me parapagim.
