Analisti politik, Arsim Zekolli, në emisionin e fundit në KLAN TV, kritikoi ashpër liderin e ASH-së, Arben Taravari, për qasjen e tij ndaj koalicionit VLEN, e në veçanti pas tragjedisë në spitalin e Koçanit.
“Para se Taravari të drejtojë gishtin tek të tjerët, le ta pyesë veten: në cilën qeveri ke qenë ti? Cila është gjendja sot në shëndetësi?”, theksoi Zekolli, duke aluduar në mungesën e reparteve të specializuara për të lënduarit dhe numrin në rritje të vdekjeve në spitale.
Ai shtoi se përgjegjësia dhe serioziteti i një politikani matet nga gatishmëria për të kërkuar fajin tek vetja, e jo për ta hedhur atë mbi të tjerët.
